Akkumulyatorun zəifləməsinə nə səbəb olur?

Akkumulyatorun zəifləməsinin birdən çox səbəbi ola bilər, lakin ən ümumi problemlər aşağıda qeyd olunub:

1. Parazitar drenaj - əgər avtomobilinizdə elektrik cihazlar və ya işıqlar avtomobilin sönülü vəziyyətdə olmasına baxmayaraq işləyirsə, onlar akkumulyatorun şirəsini özünə çəkir və akkumulyator zəifləməyə başlayır. Bu proses çox zaman parazitar drenaj olaraq adlandırılır.
2. Defektli dolum sistemi – Avtomobilin akkumulyatoru dolum prosesi ərzində kifayət qədər lazımi voltaj xaric edə bilmədikdə zəifləməyə başlayır (13,5 – 14,5 volt ideal hesab olunur). Bu halda avtomobil işlək vəziyyətdə olsa belə akkumulyator zəifləməyə başlayır.
3. Defektli generator diodlar – Defektli diodlar da akkumulyatorun ömrünü azalda bilər.
4. Ekstrim hava şəraiti – Əgər hava çox istidirsə və ya çox soyuqdursa avtomobilin akkumulyatoru zərər görə bilər. Avtomobilinizi belə şəraitdə uzun zaman saxladığınız təqdirdə sulfat yığılaraq akkumulyatorun ömrünün azalmasına şərait yaradır.
5. Köhnə akkumulyator – Akkumulyatorun ortalama ömrü 4-5 il olur, ona görə də ola bilər ki, enerjini tam yığmamasının səbəbi ömrünü başa vurmasıdır. 

Əgər avtomobilinizin akkumulyatoru üzərində LOWER və UPPER olaraq ifadə olunmuş yazı varsa siz onun vəziyyətini ölçə bilərsiniz. LOWER və UPPER hissələrinin ortasında yerləşirsə bu ideal halıdır. Akkumulyatorun zəiflədiyini göstərən digər hallar aşağıdadır:

Mühərriki işə salmazdan əvvəl

• Açarı yerinə daxil edərkən göstəricilər və işıqlar paneldə yanmır.
• Hər 3-5 gündən bir avtomobilinizi enerji mənbəsinə taxmalı olursunuz.
• Avtomobildə heç bir şeyin yanmadığı zamanda belə 15-30 dəqiqə içində akkumulyator ölür.

İşlək vəziyyətdə olduqda

• İşlək vəziyyətə gətirmək üçün 3 və ya daha çox dəfə cəhd edirsiniz.
• Lampalar və digər aksesuarların işıqları zəif şəkildə yanır və ya yanmır.
• Uzun zaman sonra və ya soyuq havada işə salarkan avtomobil işə düşməkdə çətinlik çəkir.

Avtomobili idarə edərkən

• Dayanmasında problemlər yaranır.
• Radio və digər aksesuarlar işləməkdə çətinlik çəkir.
• Avtomobil sürətli şəkildə idarə olunduqda lampalar və digər işıqlar zəifləyir.