Гипер холболттой үйлчилгээ
Систем хоорондын холболт
Автомашины үйлдлийн системд компьютерыг хиймэл оюун ухаантай холбосноор тооцоолж байснаас илүү хурдан хөгжиж байна. Систем хоорондын гипер холболтын үед автомашин таны дуу хоолойг танихаас гадна, мэдрэгч дэлгэцэнд таны өгсөн командуудыг гүйцэтгэнэ. Түүнчлэн газрын зургийн хайлт хийх, гар утасны дуудлага хийх зэрэг энгийн үйлдлээс эхлээд хөгжим тоглуулах , цаг агаарын урьдчилсан мэдээг хүргэх, хийх ажлыг тань танилцуулах гэх мэт хүнд даалгаврыг гүйцэтгэнэ.Мөн нөхцөл байдалд үнэлгээ өгч агааржуулах систем нарны хаалт зэргийг удирдана. Үүгээр зогсохгүй гэрийнхээ цахилгаан хэрэгслийг хянах, эрүүл мэндийн байдлыг шалгах, эмчтэй холбогдох зэрэг үйлчилгээ авч болно.
Бие даасан жолоодлогын технологи нь хөдөлгөөний эрх чөлөөг хангахад зориулагдсан бол эдгээр гипер холболттой машинууд бидний амьдралыг илүү хөнгөвчилж өгнө. Гипер холболттой автомашины технологийг хөгжүүлэх нь Kia-ийн хувьд дэлхийд тэргүүлэх ICT компаниудтай хамтран ажиллах боломжийг бүрдүүлж байна. 2020 онд анхны гипер холболттой автомашинаа гаргасны дараа Киа нь 2030 он гэхэд бүх машинууддаа энэ технологийг нэвтрүүлэхээр зорьж байна.
Анх 2014 онд Намянг дахь R&D төвд дуу хоолой таних судалгааны лабораторийг байгуулах явдал байсан бөгөөд үүний дараа гипер холболттой технологийг хөгжүүлэх чиглэлээр мэргэшсэн мэргэжилтнүүдтэй хамтарч ажилласан явдал юм. Түүнээс хойш гипер холболтын орчин бүрдүүлэх , асар их хэмжээний өгөгдлийг хурдан боловсруулах ccOS системийг амжилттай хөгжүүлсэн. Одоогийн байдлаар БНСУ, АНУ, БНХАУ-ын мэдээллийн технологийн компаниудтай хамтран хэрэглэгчдэд янз бүрийн үйлчилгээ үзүүлэх боломжтой автомашины үйлчилгээний платформ (ccSP) хийгдэж байна.
Түүнчлэн тус компани 2017 оны 9-р сард Хятадад анхныхаа томоохон дата төвийг байгуулсан бөгөөд энэ нь гипер холболттой автомашины үйлчилгээг дэлхийн хамгийн олон хүн амтай зах зээлд нэвтрүүлэх ажлын эхлэлийг тавьсан юм. Дэлхийн бусад стратегийн зах зээлд шинэ томоохон дата төвүүдийг байгуулахаар төлөвлөж байгаагийн зэрэгцээ Киа нь АНУ-ын засгийн газрын газрын зөвшөөрлөөр Америкийн тээвэр үйлчилгээний судалгааны академитай хамтран ажиллаж байна. Энэхүү төв нь 2019 оны эцэс гэхэд ашиглалтанд орохоор төлөвлөгдөж байна.
2020 онд Kia-ийн анхны гипер холболттой автомашин үйлдвэрлэлээс гарна. Олон төрлийн гипер холболттой автомашины үйлчилгээг санал болгосноор дараа дараагийн үеийн машинууд нь дээр дурдсан бүх функцийг секундэд нэг гигабайт хурдтайгаар боловсруулахболомж бүрдэнэ. 2030 он гэхэд Киа загваруудад эдгээр гипер холболттой автомашины технологиудыг бүрэн хэмжээгээр үе шаттайгаар нэвтрүүлнэ.
