როგორ დავაყენოთ კრუიზ კონტროლი?

1) საკრუიზო კონტროლის სისტემის დასაწყებად, დააჭირეთ საჭეზე განთავსებულ ღილაკს "CRUISE".  შემდეგ, დააჭირეთ აჩქარების პედალს, სანამ არ მიაღწევთ  სასურველ სიჩქარეს. გაითვალისწინეთ, რომ სიჩქარე უნდა დადგინდეს 30 კმ / სთ-ზე მაღალი.

2) შემდეგ, ფუნქციის გასააქტიურებლად,  "CRUISE ღილაკის ქვევით განთავსებული ბერკეტი ჩამოწიეთ "SET-" - ზე. ამ მომენტიდან აჩქარების პედალი შეიძლება გათავისუფლდეს.

3) თუ გსურთ შეცვალოთ სიჩქარე, შეამოწმეთ სიჩქარე ეკრანზე და შეცვალეთ ბერკეტი "RES +" - მდე, რომ დააჩქაროთ, ან "RES -" - ზე რომ შეამციროთ. ჩამრთველის ზემოთ ან ქვემოთ მოკლე დაჭერით, დაყენებული სიჩქარე შეიცვლება 1 კმ / სთ-ით.

 ასევე, შეგიძლიათ დროებით გაზარდოთ ან შეამციროთ სიჩქარე. როდესაც საჭიროა აჩქარება, მაგალითად, მოძრაობისას სხვა ავტომობილის გასწრება, დააჭირეთ ამაჩქარებლის პედალს სიჩქარის გასაზრდელად დაყენებულ სიჩქარეზე ზემოქმედების გარეშე. დაყენებულ სიჩქარეზე დასაბრუნებლად, უბრალოდ გაათავისუფლეთ აჩქარებლის პედალი. 

4) საკრუიზო კონტროლის ფუნქციის შესაჩერებლად დააჭირეთ ღილაკს "CANCEL", დააჭირეთ სამუხრუჭე პედალს, შეანელეთ ავტომობილის სიჩქარე 20 კმ / სთ-მდე, ან გადაიყვანეთ N (ნეიტრალური) ავტომატის გამოყენების შემთხვევაში .

5) საკრუიზო ფუნქციის ხელახლა გასააქტიურებლად, მოკლედ დააჭირეთ ბერკეტს "RES +" - მდე. ამით მანქანა ავტომატურად დაუბრუნდება დადგენილ სიჩქარეს, გარდა იმ შემთხვევისა, თუ ავტომობილი მიდის  20 კმ / სთ-ზე დაბალი სიჩქარით, ამ შემთხვევაში საკრუიზო კონტროლი აღარ განახლდება.

6) საკრუიზო კონტროლის ფუნქციის სრულად გათიშვისთვის დააჭირეთ ღილაკს "CRUISE" ან გამორთეთ ავტომობილი.

მიუხედავად იმისა,  თქვენს ავტომობილს აქვს სტანდარტული საკრუიზო კონტროლი, თუ ადაპტაციური საკრუიზო კონტროლი, მნიშვნელოვანია გაითვალისწინოთ უსაფრთხოების რამდენიმე პრინციპი:

-ყოველთვის იყავით ფხიზლად და ყურადღება მიაქციეთ გზას განსაკუთრებით ამინდის, გზის პირობების ან მოძრაობის ცვლილებისას.

- მოერიდეთ საკრუიზო კონტროლის გამოყენებას გარკვეულ ამინდის პირობებში, როგორიცაა წვიმა, სეტყვა ან თოვლი, როდესაც გზა შესაძლოა მოლიპული გახდეს. 

- იდეალურ შემთხვევაში, საკრუიზო კონტროლი უნდა იქნას გამოყენებული მხოლოდ ავტობანზე და ნაკლებ მოძრაობაში. ასევე გაითვალისწინეთ, რომ თქვენსა და წინ მოძრავ  სატრანსპორტო საშუალებებს შორის, დაცული უნდა იყოს საკმარისი ადგილი.  გადატვირთული მოძრაობის შემთხვევაში, საკრუიზო კონტროლის ფუნქციის დეაქტივაციისთვის დააჭირეთ მუხრუჭს ან  "CANCEL"  ღილაკს .