Elisa­beth Johanna Zitter­bart og Stefán Lár­us Karls­son duttu held­ur bet­ur í lukkupott­inn á dög­un­um þegar þau voru dreg­in út sem sig­ur­veg­ar­ar í eig­enda­leik Kia. Í verðlaun fá þau ferð á HM og munu sjá leik Íslands og Níg­er­íu í Volgograd þann 22. júní. Þau eru bú­sett á Ytri Bæg­isá 2 ná­lægt Ak­ur­eyri og eiga nýj­an Kia Picanto. Mjög góð þát­taka var í leikn­um en Kia er einn af styrkt­araðilum FIFA og HM í Rússlandi.

„Við skráðum okk­ur í eig­enda­leik­inn á net­inu og erum him­in­lif­andi að hafa verið dreg­in út sem sig­ur­veg­ar­ar. Þetta kom okk­ur mjög skemmti­lega á óvart þar sem við tök­um mjög sjald­an þátt í happa­drætt­um eða neinu slíku. Þetta verður mikið æv­in­týri að fara á HM og sjá leik Íslands og Níg­er­íu í þeirri frægu borg Volgograd. Við erum að sjálf­sögðu mjög spennt fyr­ir ferðalag­inu og leikn­um. Við höf­um hvor­ugt farið á lands­leik þar sem við búum á sveita­bæ fyr­ir norðan og rek­um sauðfjár­bú og ferðaþjón­ustu hér á Ytri Bæg­isá 2. Við fylgj­umst bæði með fót­bolta og horf­um oft á leiki í sjón­varp­inu. Ég fékk fót­bolta­áhug­ann með móður­mjólk­inni þar sem ég er fædd í Þýskalandi, skammt frá Munchen í Bæj­aralandi. Þar halda nán­ast all­ir með Bayern og ég líka. Ég hef búið á Íslandi lengst af lífs míns og er Íslend­ing­ur með þýsku ívafi,“ seg­ir Elisa­beth og hlær.

„Mér fannst frá­bært að fylgj­ast með ís­lenska landsliðinu á EM í Frakklandi þar sem frá­bær ár­ang­ur liðsins, mik­ill áhugi og ein­lægni Íslend­inga snertu hug og hjörtu fólks um all­an heim. Ég er sann­færð um að það verður mjög góð stemmn­ing meðal Íslend­inga nú á HM eins og fyr­ir tveim­ur árum. Ég er viss um að ís­lenska liðið mun leggja sig hundrað pró­sent fram í leikj­un­um eins og alltaf og verða landi og þjóð til sóma,“ seg­ir hún.

Elisa­beth og Stefán eiga nýj­an Kia Picanto. Hún seg­ir að hann nýt­ist vel í sveit­inni þótt hann sé ekki stór.

„Við skjót­umst fram og til baka til Ak­ur­eyr­ar til að versla og gera ým­is­legt annað. Þetta er fínn frú­ar­bíll í skutlið. Hann er spar­neyt­inn og skemmti­leg­ur í akstri og við erum mjög ánægð með hann. Svo erum við með stór­an, gaml­an jeppa sem við höm­umst á í sveita­verk­un­um,“ seg­ir Elisa­beth.