Áberandi og nútímaleg sportjeppahönnun
Plug-in Hybrid1
Plássmikið og fjölhæft farþegarými
Ljósmyndir og hreyfimyndir eru einungis notaðar til útskýringar. Endanleg framleiðsluvara getur verið frábrugðin því sem myndirnar sýna.
Sparneytinn og kemur í mörgum gerðum. Í boði eru fjórar mismunandi aflrásir, þ.m.t. tvinnaflrás, tengiltvinnaflrás og mild tvinnaflrás. Þær eru allar fáanlegar einnig í GT-line útfærslu. Hver verður fyrir valinu?
Nýja Kia Sportage fjölskyldan
Rennilegir og stæltir fletir sem sækja innblástur í lífræn form sem finnast í náttúrunni og sameinast flóknum formlínum og fallegum smáatriðum. Saman gefur þetta sportjeppanum kraftalega og áberandi nærveru í umferðinni og hágæða yfirbragð.
Með nýrri hönnun sýnir Kia Sportage af sér sjálfsöruggari, öflugri og fjölhæfari karakter. Skarpar og stífar formlínur gára fágaða yfirbygginguna og magna upp óviðjafnanlega stílspennu.
Táknræn hönnunaryfirlýsing. Nákvæmlega útfært svart grill með möskvamynstri teygir sig yfir alla breidd bílsins að framan og skapar andstæðu við framúrstefnulegan og bjúgverpilformaðan LED dagljósabúnaðinn og LED aðalljósin.
Þó að táknrænt tígurgrill Kia sé þungamiðjan, er það hið fína jafnvægi milli flókinnar tæknilegrar hönnunar að framan og einfaldleiki formflatanna sem gefur hönnun framendans þessa kraftmiklu sjónrænu upplifun.
Hliðarsvipur bílsins er stæltur en um leið fágaður með strengdum formlínum sem vísa til upprunans sem sportjeppa. Nýjar svartar og krómaðar umgjarðir við glugga draga enn frekar fram sportgen bílsins alveg eins og svart þakið og kraftmikil hönnunin á þriðja hurðapóstinum.
Hvöss formin á LED afturljósunum teygja sig út á hliðar bílsins og auka tilfinninguna fyrir breidd hans að aftanverðu. Rúðuþurrkan er í vari innan í þakvindskeiðinni sem stuðlar að skýru og nútímalegu svipmóti og bætir útsýni ökumannsins. Neðri hluti stuðarans er samlitur yfirbyggingunni og með skýru og nútímalegu útliti. Umgjörð endurskins- og þokuljósanna er svartglansandi eða hálfglansandi króm og fyrir honum miðjum er vinddreifari með hálfglansandi krómáferð.
Snoturt og notendavænt farþegarýmið er hannað með ökumanninn í huga. Það fer ekki á milli mála þegar hafður er í huga bogadreginn og hátæknivæddur skjárinn, sportlegt D-laga leðurklætt stýri og gírvalsskífa á miðjustokki.
Stærri á alla kanta. Þú færð allt það pláss sem þú þarft í fáguðu farþegarýminu. Fótarými er með mesta móti fyrir farþega í aftursætum. Auk þess er að finna fjöldann allan af sniðugum hirslum fyrir ökumann og alla farþegana.
Þetta glæsilega rými setur ný viðmið fyrir sportjeppaflokkinn með fáguðum hönnunarviðbótum um allt rýmið. Þar má nefna hágæða álumgjarðir í mælaborði og hurðum, laglega hönnuð loftinntök með hálfgljáandi krómrömmum og umhverfislýsingu.
Fyrirkomulag farþegarýmisins er notendavænt og það er búið tækninýjungum af nýjustu gerð, eins og fjölstillinga snertiskjá sem einfaldar skiptingu úr margmiðlunaraðgerðum yfir í aðgerðir fyrir loftfrískunarkerfi með einni snertingu.
Lagleg hönnun er á sætum sem öll eru klædd efnum sem eru mjúk viðkomu með fáguðum frágangi og fást í líflegum litasamsetningum. Í ökumannssæti og farþegasæti að framan felast enn frekari nýjungar í sérlega þægilegri og sportlegri og um leið fínlegri hönnun.
Hinar mismunandi gerðir nýs Kia Sportage eiga eftir að veita þér innblástur. Þær bjóða upp á rými sérhannað í kringum þig. Berðu valkostina saman og finndu þann sem hentar þér.
Með fjölda háþróaðra eiginleika sem tengja þig við rauntímaupplýsingar 3 um umferð, staðbundna þjónustu, veðrið og margt fleira. Með Android Auto™ og Apple CarPlay™ 4 , NLU-byggðri raddstýringu og annarri tækni sem gerir lífið enn þægilegra.
* Remote climate control is available only for EVs
Í gegnum Kia Connect appið5 má sækja upplýsingar og stýra aðgerðum í Sportage úr fjarlægð, beint úr snjallsímanum. Skipuleggðu ferðina og stilltu af hitastigið í bílnum áður en lagt er af stað*, hafðu vökul augu með Sportage með aðgerðinni „Finna bílinn", fáðu viðvaranir og margt fleira.
Í beinni sjónlínu ökumanns er 12,3" yfirlitsmælaklasi sem birtir allar lykilupplýsingar í einni sjónhendingu. Samhliða er 12,3" háskerpu LCD skjár fyrir leiðsögukerfið, afþreyingar- og upplýsingakerfið og valkerfi. Kerfin eru pöruð saman í óaðfinnanlegri heild. Skjárinn virkar nánast eins og kvikmyndatjald og viðfang notandans er í ákjósanlegt.
Meiri yfirsýn og stjórnun aðgerða úr sportlegu stjórnrýminu en nokkru sinni fyrr. Þar eru nýjungar eins og fjölstillinga snertiskjár sem veitir aðgengi að fjölda aðgerða með einni fingursnertingu og gerir það einfalt að skipta á auðveldan hátt milli stillinga fyrir loftfrískunarkerfið og leiðsögukerfið.
Upplifðu það besta sem er á boðstólum í bílahljómtækjum með ótrúlegum hljómgæðum. Harman Kardon hágæða hljómkerfið kemur með 8 aflmiklum hátölurum sem er komið fyrir á völdum stöðum í innanrýminu. Auk þess fylgir ytri magnari og Active Sound Design hljómhönnunarkerfi (ASD).
Á hleðslureit fyrir snjallsíma býðst 15W þráðlaus hleðsla meðan á akstri stendur. Á aftanverðum framsætisbökunum eru líka hraðvirkar USB hleðsluinnstungur sem tryggja að farþegar í aftursætum eru alltaf með næga hleðslu á snjalltækjum sínum.
Ekkert jafnast á við eigin upplifun. Pantaðu reynsluakstur.
Öryggi er forgangsatriði í okkar huga. Öryggi þitt er mikilvægt og markmið okkar er að skapa rými fyrir þig og þína þar sem öryggi ykkar hefur forgang.
Sportage er búinn myndavél og ratsjá og kerfið styðst við gögn frá þessum búnaði til að greina upplýsingar um önnur ökutæki, vegfarendur eða hjólreiðamenn á leið þvert yfir veginn. Kerfið aðvarar ökumann með viðvörunarmerki og beitir hemlum til að forðast árekstur. Þverumferðarvarinn greinir einnig umferð úr gagnstæðri átt þegar bílnum er beygt til vinstri við gatnamót. 7
NSCC kerfið hraðar og hægir á bílnum til að viðhalda völdum hraða og tryggir örugga fjarlægð frá ökutæki á undan. Það dregur einnig sjálfvirkt úr hraða bílsins áður en ekið er inn í beygjur á grundvelli upplýsinga frá leiðsögukerfinu.8
Þessi búnaður aðlagar sjálfvirkt hraða bílsins að leyfðum hámarkshraða eða þeim hraða sem þú hefur sjálfur forstillt. Hann heldur bílnum líka á miðri akrein með því að stjórna stýringu hans, hröðun og hægingu og heldur öruggri fjarlægð frá næsta ökutæki á undan.
Kerfið aðvarar ökumann með hljóð- og myndmerki við ökutækjum í blinda blettinum og tekur yfir stjórn bílsins til þess að forðast árekstur. Þverumferðarvari að aftan veitir sömu aðstoð gagnvart ökutækjum sem koma frá vinstri eða hægri þegar bílnum er bakkað.
Leggðu Sportage eða aktu honum út úr bílastæði án þess að vera inni í honum. Með rofa á lyklinum er því stýrt hvort hann fari áfram eða aftur á bak. Bílastæðaárekstrarvarinn varar við fyrirstöðum þegar bílnum er bakkað inn í bílastæði og hemlar líka bílnum til að forðast árekstur.
360° þvívíð mynd af umhverfi Sportage þegar honum er lagt eða þegar honum er ekið í þrengslum á undir 10 km hraða á klst. Byggir á fjórum gleiðhornsmyndum frá myndavélum að aftan, framan og á hliðum bílsins.
BVM styðst við hliðarmyndavél. Þegar gefið er stefnuljós til vinstri eða hægri birtist mynd af veginum í ökumælaklasanum sem sýnir blindsvæðið. Þegar gefið er stefnuljós til vinstri birtist mynd aftur með vinstri hlið bílsins og aftur með hægri hliðinni þegar gefið er stefnuljós til hægri.
Kia Sportage fæst með breiðu úrvali viðbragðsþýðra og sparneytinna aflrása. Það er því alltaf ein útfærsla ætluð þér.
Kia Sportage Style
Kia Sportage Luxury
Kia Sportage GT-Line
Hannaður á nýjum grunni með áherslu á þarfir ökumannsins, með nýjustu tækni, fágun í efnisvali og frágangi og farþegarými sem hættir ekki að koma á óvart. Allt miðar þetta að því hámarka lífsgæðin og auðvelda aksturinn.
Engin takmörk fyrir útivistarævintýrunum. Háþróuð torfærustillingin, (Terrain Mode) breytir sjálfvirkt stillingum Sportage og aðlagar hann akstri í öllum aðstæðum, þar á meðal í snjó, aur og sandi. Hann kemur með rafeindastýrðri fjöðrun** með hámarksþægindum án þess að nokkru sé fórnað í snerpu.
**Einungis fáanlegt í GT-line
Mikið pláss fyrir farþega í Sportage enda innanrýmið nýtt á snjallan hátt til aukinna þæginda. Hirslur er víða að finna, meðal annars stórir glasahaldarar í miðjustokki, snagar fyrir yfirhafnir farþega í aftursætum og miðjuarmhvíla er að aftan með glasahöldurum.
Valið er á milli Comfort, Eco eða Sport stillinganna og kerfið breytir gripstýringunni og viðbragði frá stýri og inngjöf til að hámarka aksturseiginleikana. Ökumaðurinn er því alltaf fullur sjálfstrausts og með fulla stjórn á bílnum óháð aðstæðum. Með þessu er tryggð hámarks akstursánægja.
.
Mikið farangursrými og fjölhæfar flutningslausnir. Auðvelt er að fella niður aftursætin og mynda þannig hvorki meira né minna en 1.780 lítra flutningsrými. Niðurfelling sæta er í hlutföllunum 40:20:40 sem gerir kleift að ferðast með farþega og farm, eftir þörfum hverju sinni.
Viðbótarafl í vistvænum akstri án þess að hlaða. Milda tvinnaflrásin frá Kia dregur úr eldsneytisnotkun og losun með því að para saman á snjallan hátt 150 hestafla Smartstream 1,6 lítra Turbo bensínvélina og 48 volta liþíum-jóna rafgeyminn. Auk þess endurheimtir innbyggða „e-kerfið" hreyfiorkuna þegar hægt er á bílnum og notar hana sem aukaafl við hröðun.
Vélin er hljóðlátari vegna orkunnar frá rafgeyminum sem skilar viðbótarafli og stuðlar að minni eldsneytisnotkun. Vélin er ræst af „e-kerfinu" sem tryggir snurðulausa og hraða ræsingu. „E-kerfið" nýtir orku frá rafgeyminum sem viðbótarafl við hröðun eða akstur upp brekku. Þegar bíllinn er á skriði á jöfnum hraða sér brunahreyfillinn að hluta til um að hlaða rafgeyminn ef hleðslustaða hans er lág.
Mild tvinnaflrás dregur úr eldsneytiskostnaði og losun án fórnarkostnaðar! Þegar stigið er af inngjöfinni á gerðum með iMT 9 og bíllinn látinn renna áfram stöðvast vélin með tilheyrandi eldsneytissparnaði. Orkan sem verður til við hreyfingu bílsins, þegar hægt er á honum eða honum er hemlað, endurhleðst inn á rafgeyminn. Vélin stöðvast sjálfkrafa þegar hægt er á bílnum þar til hann stöðvast og þannig sparast eldsneyti.
Meira fyrir þig
Kia ökutæki sem koma með leiðsögukerfi frá verksmiðju fá sex árlegar kortauppfærslur 10 . Þetta einstaka tilboð tryggir að leiðsögukerfið þitt byggir ávallt á nýjustu upplýsingum.
1 Liþíum-jóna háspennurafgeymar Kia fyrir rafbíla (EV), tvinnbíla (HEV) og tengiltvinnbíla (PHEV) eru framleiddir með það fyrir augun að endast lengi. Kia ábyrgist þá í 7 ár frá nýskráningu eða að 150.000 km eftir því hvort ber fyrr upp. Ábyrgð Kia á lágspennurafgeymum (48V og 12V) fyrir gerðir með mildri tvinnaflrás nær til tveggja ára frá nýskráningu óháð akstri. Kia ábyrgist 70% afkastagetu rafgeyma fyrir rafbíla og tengiltvinnbíla en ábyrgð nær ekki til afkastagetu rafgeyma fyrir HEV og MHEV. Fylgið leiðbeiningum í […] eða leitið ráða í eigandahandbók til að lágmarka hugsanlegt tap á afkastagetu. Nánari upplýsingar um ábyrgð Kia er að finna á [www.Kia.com].
2 Ábyrgð Kia nær til 7 ára frá nýskráningu eða að 150.000 km eftir því hvort ber fyrr upp. Hún gildir í öllum aðildarríkjum ESB (og auk þess í Noregi, Sviss, Íslandi og Gíbraltar). Frávik samkvæmt gildandi ábyrgðarskilmálum, s.s. fyrir rafgeymi, lakk og búnað, eru háð staðbundnum skilmálum og skilyrðum. Nánari upplýsingar um ábyrgð Kia er að finna á [www.Kia.com].
3 Þjónustan er í boði án endurgjalds í sjö ár frá þeim degi sem ökutækið er selt fyrsta eiganda þess, þ.e. frá þeim tíma sem upphaflegur kaupsamningur tekur gildi, og þjónustan getur verið háð breytingum á því tímabili. Upplýsingar um notkun og notkunarskilmála má nálgast á margmiðlunarskjá ökutækisins. Tiltæk þjónusta gæti verið önnur í þínu landi. Snjallsíma með gagnaflutningi þarf til að virkja Kia Connect Live þjónustu í löndum og bílgerðum án innbyggða fjarskipta.
4 Kia Sportage er samhæfður Apple CarPlay™ og Android Auto™. Android Auto™ er samhæft Android símum með 5.0 (Lollipop) stýrikerfi eða nýrra. Apple CarPlay™ er fáanlegt fyrir iPhone 5 eða nýrri gerðir. Bæði kerfin eru með raddstýringu sem gera ökumanni kleift að hafa hendur á stýri og augu á veginum öllum stundum. Apple CarPlay™ er skráð vörumerki Apple Inc. Android Auto™ og önnur merki eru vörumerki Google Inc.
5 Upplýsingar og stýriþjónusta fyrir Kia bílinn þinn úr snjallsíma þínum: Þjónustan er í boði án endurgjalds í sjö ár frá þeim degi sem ökutækið er selt fyrsta eiganda þess, þ.e. frá þeim tíma sem upphaflegur kaupsamningur tekur gildi, og þjónustan getur verið háð breytingum á því tímabili. Upplýsingar um notkun og notkunarskilmála er að finna í Kia Connect appinu þínu. Viðbótarkostnaður fylgir óhjákvæmilega farsímasamningi með gagnaflutningi í gegnum snjallsíma með iOS eða Android stýrikerfi.
6 Þráðlaus hleðsla er samhæfð símum með Qi tækni eða símum með millistykki.
7 Árekstrarvari að framan (FCA) er akstursstoðkerfi sem leysir ökumann ekki undan þeirri ábyrgð að nota ökutækið með öruggum hætti öllum stundum. Ökumaður þarf sem fyrr að aðlaga akstur sinn að persónulegri akstursgetu, lagalegum kröfum og aðstæðum á vegum og umferð. FCA er ekki fyrir sjálfakstur. Nánari upplýsingar má nálgast í eigandahandbókinni.
8 Tæknin fylgir einungis gerðum með DCT gírkassa.
9 Akstursrennsli með slökkt á vél er einungis í boði í ökutækjum með skynrænni beinskiptingu (iMT). Rennsliaðgerðin er háð akstursskilyrðum.
10 Tilboðið gildir eingöngu fyrir ný Kia ökutæki sem keypt eru eftir 28. febrúar 2013 með LG leiðsögutæki frá verksmiðju. Launakostnaður kann að falla til á þjónustustað fyrir þann tíma sem tekur að framkvæma uppfærsluna. Tilboði um kortauppfærslur til 7 ára fylgja sex kortauppfærslur þar sem Kia ökutækjum fylgir nýjasta kortauppfærsla frá verksmiðju. Tilboðið hefur ekki áhrif á ábyrgð á leiðsögukerfinu. Kia ber ekki ábyrgð á gæðum kortagagna sem kemur frá gagnaframleiðandanum HERE.
OTA Uppfærslur
Fyrir ökutæki sem eru seld frá maí 2022 býður Kia upp á tvær endurgjaldlausar uppfærslur á hugbúnaði og kortum í leiðsögukerfi ökutækisins með svokallaðri "over-the-air" aðferð ("OTA Updates").
*Verð eru miðuð við útgáfudag verðlista og geta tekið breytingum án fyrirvara samkvæmt gengi ISK/EUR, og/eða vegna verðbreytinga birgja, breytinga á vörugjöldum og virðisaukaskatti. Endanlegt verð bíls fer því eftir gildandi verðlista við komu bíls
Staðalbúnaður getur verið mismunandi eftir gerðum
Kia á Íslandi | Krókhálsi 13 | Sími: 590 2100 © 2023
