64.8 kWh rafhlaða 1
Lúxus sæti fyrir afslöppun
Kia Connect þjónustan 2, 3
Ljósmyndir og hreyfimyndir eru einungis notaðar til útskýringar. Endanleg framleiðsluvara getur verið frábrugðin því sem myndirnar sýna.
Bjóðið velkominn jeppling sem er uppfullur af nýjungum. Með djörfu og ákveðnu útliti. Rúmgóður og framúrstefnulegur með háþróaðri tækni, tengingum og öryggisbúnaði. Kia Niro er í boði sem 100% rafmagn og plug-in hybrid.
Static and moving imagery are used for illustration purposes only. Final product may show differences in comparison to the images employed.
Djörf hönnun með tilgang.
Yfirbyggingin á Kia Niro er rennileg og um leið glæsileg. Áberandi tvöfalt brot í vélarhlífinni undirstrikar heildarútlit bílsins að framan og dregur athygli að Heartbeat dagsljósabúnaðinum. Útlitshönnunin á eftir að fanga athygli annarra vegfarenda. Áberandi tveggja tóna samsetning á möttum og hágljáandi rimlum í grillinu fer ekki fram hjá neinum. Sexhyrnt mynstrið er framúrstefnulegt og hátæknilegt frá öllum sjónarhornum séð. Kraftaleg hönnun á klæðningu þar fyrir neðan eykur tilfinningu fyrir breidd bílsins og fyrir henni miðri er innfellt hleðsluinntak.
Nýr Kia Niro byggir á einfaldri formlínu og hreinræktuðu jepplingsútliti. Á hliðum hans er sérstök klæðning sem gefur honum mjög áberandi svipmót. Yfirbyggingin er með tveggja litatóna lakki með hágljáandi eða stálgrárri klæðningu sem gefur honum hátæknilegt yfirbragð. Að aftan er laglegur Aero c-hurðarpóstur sem bætir loftflæði og dregur úr loftmótstöðu.
Ákveðinn og glæsilegur: Að aftan mætir auganu einföld og falleg hönnun með Boomerang-style afturljósum, Heartbeat endurskini, sterklegri grjóthlíf og sterklegum en einföldum stuðara. Hann leikur hlutverk í því að draga úr loftmótstöðu bílsins ásamt framendanum með sínum fáguðu formlínum og hinni sérstöku þriðju þakstoð (c-stoð).
Frískleg og tjáningarrík formlöguð yfirbygging og einstakt jepplingslag Niro gefa góð fyrirheit um framtíðina. Áberandi í hönnun er tvílitt grillið með sexhyrndu mynstri og breiður samlitur stuðari með hleðsluinntaki fyrir miðju. Auk þess er fáanleg stálgrá klæðning á yfirbygginguna og stálgrá Aero c-þakstoð sem gefur bílnum enn meiri svip.
17 tommu álfelgur með tvílitri áferð og svartri litaáherslu eru sérhannaðar fyrir nýja Niro rafbílinn. Niro plug-in hybrid kemur hins vegar á sérhönnuðum 16 tommu.
Rúmgóður að stærð, minimalískur í smáatriðum og hlýlegur á allan hátt. Hönnuðir okkar hafa nýtt sér allt það nýjasta í hönnun og tækni með þægilegum sætum og snjöllum eiginleikum og mikilli áherslu á afslappaða upplifun fyrir ökumann og farþega.
Við höfum þróað öðruvísi sætaáklæði í nýjan Niro sem er skýr yfirlýsing um áframhaldandi skuldbindingu Kia í umhverfismálum. Áklæði á sæti eru fáanleg úr taui, samsetningu úr taui, PVC leðurlíki eða PU leðurlíki, en hvorugt þessara efna er úr dýraríkinu. PU veganleður inniheldur einnig Tencel™ sem gert er úr afurðum tröllatrés.
Uppgötvaðu nýja og framsýna hönnun Kia, afar óvenjuleg lögun með láréttum og skáhöllum formum í mælaborði og hurðainnréttingum. Öll aðgerðastjórnun er einkar notendavæn með afar þægilegu aðgengi og samskiptum. Línulöguð og sérhönnuð umhverfislýsingin fullkomnar svo útlitið.
Í beinni sjónlínu er rennilegur, hátæknivæddur og tvískiptur 10,25 tommu stafrænn skjár í háskerpu. Skjárinn heldur utan um upplýsingar ökumannsins og aðgerðir upplýsinga- og afþreyingarkerfisins.
Miðjustokkurinn myndar samfellu við ökumannssæti með áklæðum úr endurunnum efnum og afslappandi umhverfislýsingu. Á miðjustokknum eru fjölaðgerðarofar með þægilegri stýringu fyrir margmiðlunarkerfið og loftfrískunarkerfið. Umhverfið dregur dám af því sem best gerist í fagurfræðilegri hönnun. Breytanlegar hirslur í miðjustokki og færanlegir glasahaldarar eru gott dæmi um þetta.
Virkjaðu eitthvað sérstakt. Kia Niro.
Kia Niro gefur fyrirheit um ríkulega akstursupplifun. Hann kemur með hátæknivæddum búnaði sem tryggir alhliða tengingu við umheiminn öllum stundum.
Aðgengi að umfangsmiklum og nákvæmum upplýsingum áður en lagt er af stað 3 . Láttu leiðsögukerfið finna fljótförnustu leiðina á áfangastað með raunupplýsingum um umferð, þ.m.t. stöðugt uppfærðum breytingum á umferð og áætluðum komutíma. Fáðu upplýsingar um bílastæði, áhugaverða staði, veður og hleðslustöðvar í gegnum Kia Connect Live þjónustuna 2 . Notaðu raddstýringuna svo ekki þurfi að taka hendur af stýri og nýttu þér Android Auto™ og Apple CarPlay™ 5 .
Jafnvel þótt þú sért ekki inni í bílnum er einfalt og þægilegt að nota Kia Connect appið2 í snjallsímanum. Það sparast tími og þú ert tengdur við bílinn. Smelltu á aðgerðina „Find My Car“ til að finna bílinn þinn þegar þörf krefur. Þegar bílnum hefur verið lagt leiðir aðgerðin „Last-Mile Navigation“ síðasta spölinn fótgangandi frá bílnum að áfangastað. „Valet“ aðgerðin felur persónulegar upplýsingar þínar ef annar ekur bílnum og gerir þér kleift að fylgjast með lykilupplýsingum um bílinn eins og t.d. hámarkshraða. Svo má skipuleggja ferðina áður en haldið er af stað með aðgerðinni „Send To Car“ og skoða ástand ökutækisins.
Í nýju þægilegu og einföldu innanrými Kia Niro, með samsettum tvískiptum skjá sem uppfyllir allar þarfir varðandi aksturinn, tengingar og afþreyingu, hefurðu meiri stjórn á hlutunum en nokkru sinni fyrr. Á fjölaðgerða snertiskjánum er hægt að framkvæma fjölmargar aðgerðir með einni fingrasnertingu, skipta áreynslulaust milli stillinga á loftfrískunarkerfinu, upplýsinga- og afþreyingarkerfinu og leiðsögukerfinu. Þessu fylgir einfaldleiki og þægindi af nýju tagi.
Stjórnrýmið byggir á skynrænni tækni og er með sérsniðinni notendauppsetningu sem tryggir hámarks akstursánægju. Það er margt sem gleður í miðjustokknum eins og innbyggður snertiskjár fyrir fjölaðgerðastýringu, jafnt fyrir margmiðlunarkerfið og loftfrískunarkerfið.
Allt sem þú þarft að vita er í beinni sjónlínu. Á framrúðuskjáinn er varpað upp aksturstengdum upplýsingum svo þú þurfir ekki að taka augun af veginum. Leiðbeiningum frá leiðsögukerfinu um næstu beygju er varpað upp á veginn. Kerfið lætur þig líka vita ef þú víkur út af þinni akrein og af ökutækjum fyrir framan. Þannig stuðlar það að auknu öryggi.
Vertu viss um að snjalltækin séu ávallt fullhlaðin 6 . Snjallsíminn er einfaldlega lagður í hleðsluvögguna fremst á miðjustokknum þar sem hann hleðst þráðlaust (allt að 15W). Hraðhleðsla fyrir farþega er í boði með hleðslusnúru í gegnum USB-C inntök við öll sæti.
Njótið umhverfisvæns aksturs í fullkominni yfirvegun. Með háþróaðri aflrásartækni og miklu akstursdrægi kemstu alla leið. Framþróuð tæknin sem er að finna í öllum þremur gerðum Kia Niro tryggja meira frelsi í hverri ferð án þess að gripið sé til nokkurra málamiðlana.
Nýsköpun hvarvetna. Upplifun sem ætlað er að endast.
Kia Niro EV
Njóttu hverrar ferðar. Á þínum forsendum.
Kia Niro Plug-in Hybrid
Kia Niro fylgir einnig háþróuð DriveWise akstursstoðkerfi þar sem öryggi farþega og annarra vegfarenda er í forgrunni. Kerfið hjálpar ökumanni að halda fullri einbeitingu í akstri, heldur honum upplýstum og fylgist um leið með aðstæðum sem geta verið varasamar. Það varar ökumann við og grípur inn í atburðarásina ef nauðsyn krefur. Þannig stuðlar kerfið að enn meiri akstursánægju.
HDA stuðlar að áreynslulausum akstri á þjóðvegunum. Það viðheldur fjarlægð Niro frá næsta farartæki á undan og heldur honum á miðri akrein þjóðvegarins. Kerfið stjórnar stýringu bílsins, hröðun og hraðaminnkun meðan hann er á akreininni.
Kerfið leggur mat á gögn jafnt frá myndavél og ratsjá Niro til að greina upplýsingar um önnur ökutæki, gangandi vegfarendur eða hjólreiðamenn til að draga úr hættu á slysum. FCA 1.5 dregur einnig úr hættu á árekstrum við önnur ökutæki þegar bílnum er beygt við T-gatnamót og þegar honum er beygt til vinstri við T-gatnamót. Greini kerfið að hætta sé á árekstri varpar það upp viðvörunarmerki í mælaklasanum og beitir hámarks hemlunarátaki. Niro rafbíllinn með FCA 2.0 grípur einnig inn í atburðarásina þegar ekið er í gegnum T-gatnamót.7
Kerfið varar við öðrum ökutækjum í blinda blettinum með hljóð- og myndmerki og tekur með virkum hætti yfir stjórn bílsins til þess að forðast árekstur. Þverumferðarvarinn (RCCA) veitir sams konar aðstoð þegar bílnum er bakkað og önnur ökutæki nálgast hann frá hægri eða vinstri.
NSCC viðheldur völdum hraða og tryggir örugga fjarlægð frá bílnum á undan með því að stýra hröðun og hraðaminnkun bílsins. Kerfið hægir einnig sjálfkrafa á bílnum í beygjum miðað við þær upplýsingar sem eru skráðar í leiðsögukerfi bílsins.
Ekkert jafnast á við eigin upplifun. Pantaðu reynsluakstur.
Einfalt val sem getur skapað þér og þínum bjartari framtíð. Bjóddu nýju Kia Niro rafbílalínuna velkomna.
Djörf og ákveðin hönnun á yfirbyggingu. Mikið rými en um leið einfaldleiki í innanrými og umhverfisvænt efnisval.
Allt frá 100% rafknúnum Niro (BEV) til Plug-In Hybrid (PHEV). Leggðu leið þína inn í skemmtilega veröld.
Kia Niro EV
460 km - héðan og hvert sem er. Hannaður jafnt fyrir borgarakstur sem lengri ferða. Nýi Kia Niro rafbíllinn flytur þig þangað sem þú kýst í glæsileika og þægindum. Allt að 460 km drægi á einni hleðslu.
Kia Niro Plug-in Hybrid
Kia Niro Plug-In Hybrid (PHEV) fylgja allir kostir rafknúins aksturs og einkar sparneytin 1,6 lítra GDI bensínvél. Hann getur fært sig án þess að þess verði vart frá hybrid yfir í 100% rafknúinn akstur, án losunar. Þetta stuðlar að enn frekari möguleikum til minni rekstrarkostnaðar og allt að 65 km rafakstursdrægi með nýrri 11,1 kW rafhlöðu.
Vandaður og aðlaðandi: Stjórnrýmið og farþegarýmið í nýjum Kia Niro hefur verið uppfært á nýtt stig fyrir enn ánægjulegri akstur. Hann er hlaðinn tæknibúnaði sem auðveldar ökumanni stjórnun bílsins og býður upp á enn meiri þægindi fyrir alla í bílnum.
*Eingöngu í boði í Niro EV
Einstaklega þægilegt: Með aðgerðinni Vehicle-to-Load (V2L) breytist Kia Niro rafbíllinn í færanlega orkulind hvert sem ferðinni er heitið. Fullhlaðinn býður búnaðurinn upp á allt að 3 kW afl. Með því má hlaða önnur tæki inni í bílnum eða utan hans, eins og mörg raftæki fyrir útileguna, ryksugu þegar bílinn er þrifinn eða rafhjól eða fartölvu.
Alltaf í þægilegustu stöðunni með einum rofa. Sérhannaða „Relaxion“ farþegasætinu að framan er hægt að halla á marga mismunandi vegu og í ýmsar stillingar. Það dregur úr þreytu og stuðlar að hámarks þægindum, sérstaklega í lengri ferðum.
Nýr Kia Niro er lengri, breiðari og með meira hjólhaf en fyrri gerð og mál innanrýmis og farangursrýmis því allt önnur. Með viðbótarlausnum eins og farangursrými að framan í EV týpunni, „frunk“ geymsluhólfi undir vélarhlífinni, bætist við 20 lítra geymslurými. Það hentar vel fyrir alls kyns hluti, þar á meðal hleðslukapalinn. Þegar koma þarf stærri hlutum fyrir er hægt að mynda allt að 1.445 lítra geymslurými eftir því hvaða gerð Niro er valin, með því að fella aftursætin niður.
Ertu að leita að mestu gæðum í hljómflutningstækjum? Harman/Kardon Premium hljómkerfið er leiðandi merki á markaðnum. Það skilar óviðjafnanlegri hljómupplifun alls staðar í farþegarýminu. Kerfinu fylgir bassahátalari, Clari-Fi™ og QuantumLogic™ umhverfishljómkerfi.
Það er fjöldinn allur af hátækninýjungum sem leiðir til ánægjulegri akstursupplifun. Eco, Comfort og Sport stillingarnar gera það að verkum að hægt er að aðlagaðast umverfinu sem þú ekur í.
Háspennu liþíum-jóna rafhlöður Kia í rafbílum (EV), tvinnbílum (HEV) og tengiltvinnbílum (PHEV) eru framleiddar með það fyrir augum að endast lengi. Rafhlöðurnar eru í ábyrgð hjá Kia í 7 ár frá nýskráningu eða 150.000 km, eftir því hvort sem kemur á undan. Lágspennu rafhlöður (48V og 12V) fyrir mildar tvinnaflrásir (MHEV) eru í ábyrgð Kia í 2 ár frá nýskráningu óháð akstri. Kia ábyrgist 70% afkastagetu rafhlöðu í EV og PHEV. Minnkun á afkastagetu rafhlaða í HEV og MHEV fellur ekki undir ábyrgðina. Fylgið leiðbeiningum í […] eða leitið upplýsinga í eigandahandbókinni til að lágmarka hugsanlega minnkun á afkastagetunni. Nánari upplýsingar um ábyrgð Kia er að finna á [www.Kia.com].
Þjónustan er endurgjaldslaus í sjö ár frá þeim degi sem ökutækið var selt fyrsta eiganda þess, þ.e.a.s. þegar upphaflegur kaupsamningur tekur gildi, og getur verið háð breytingum á þeim tíma. Upplýsingar um notkun og notkunarskilmála má nálgast á upplýsingaskjá bílsins. Þjónusta sem er í boði getur verið breytileg eftir löndum. Snjallsíma með gagnasamningi þarf til að virkja Kia Connect Live Services þjónustuna í löndum og bílgerðum sem eru án innbyggðra fjarskipta.
Upplýsingaþjónusta og stjórnun á þínum Kia í gegnum snjallsíma. Þjónustan er endurgjaldslaus í sjö ár frá þeim degi sem ökutækið var selt fyrsta eiganda þess, þ.e.a.s. þegar upphaflegur kaupsamningur tekur gildi, og getur verið háð breytingum á þeim tíma. Upplýsingar um notkun og notkunarskilmála má nálgast í Kia Connect appinu. Snjallsími með iOS eða Android stýrikerfi og farsímasamningur með gagnavalkosti er nauðsynlegur en veldur viðbótar kostnaði.
Kia ábyrgð er til 7 ára frá nýskráningu eða í 150.000 km, eftir því hvort kemur fyrst. Gildir í öllum löndum Evrópusambandsins (og að auki í Noregi, Sviss, Íslandi og Gíbraltar). Frávik samkvæmt gildandi ábygðarskilmálum, s.s. fyrir rafhlöðu, lakk og búnað, eru háð staðbundnum skilmálum og skilyrðum. Nánari upplýsingar um ábyrgð Kia er að finna á [www.Kia.com].
Kia Niro er samhæfður Apple CarPlay™ og Android Auto™. Android Auto™ er hannað til að virka með Android símum sem keyra 5.0 (Lollipop) eða nýrri. Apple CarPlay™ fáanlegt fyrir iPhone 5 eða nýrri gerðir. Bæði kerfin eru með raddstýringu sem gera ökumanni kleift að hafa hendurnar á stýrinu og augun á veginum framundan allan tímann. Apple CarPlay™ er vörumerki Apple Inc. Android Auto™ og önnur merki eru vörumerki Google Inc.
Þráðlaus hleðsla virkar fyrir síma með Qi tækni eða með Qi millistykki.
Árekstrarvari að framan (FCA) er akstursstoðkerfi sem leysir ökumann ekki undan ábyrgð sinni að stjórna ökutækinu á öruggan hátt öllum stundum. Ökumaðurinn verður eftir sem áður að haga akstrinum í samræmmi við akstursgetu sína, að lagalegum kröfum og að almennum vega- og umferðaraðstæðum. FCA er ekki hannað fyrir sjálfsakstur ökutækisins. Nánari upplýsingar er að finna í eigandahandbókinni.
Fyrir ökutæki sem eru seld frá maí 2022 býður Kia upp á tvær endurgjaldlausar uppfærslur á hugbúnaði og kortum í leiðsögukerfi ökutækisins með svokallaðri "over-the-air" aðferð ("OTA Updates").
Kia á Íslandi | Krókhálsi 13 | Sími: 590 2100 © 2023
