Rafknúinn alhliða bíll
Skammur hleðslutími¹
Allt að 528 km akstursdrægi²
EV6 er alhliða, rafknúinn bíll frá Kia sem brýtur nýtt blað og setur ný viðmið til framtíðar. Láttu einstakt útlit hans og hönnun veita þér innblástur.
Á ferð til framtíðar
EV6 er nútímalegur og sportlegur rafbíll. Hann er með kraftalegt útlit sem fangar augað. Hvert atriði, stórt eða smátt, er hluti af því að skapa einstakt og sportlegt útlit.
Meðan á akstri stendur er öryggið mikilvægast. Nýja snjallstýrða framljósakerfið frá Kia lýsir fullkomlega upp veginn að næturlagi. Það er með nýrri hágeislatækni með aðlögunarhæfni sem kemur í veg fyrir að aðrir vegfarendur blindist af ljósgeislanum.
Einstök ljósahönnun okkar teygir sig í sveigðri línu frá afturhjólaboganum yfir afturhlerann að hinni hlið bílsins. Urmull LED-ljósa skapar áhrifarík útlitsáhrif og um leið glæsilega sjónræna yfirlýsingu.
Þak EV6 byggir á beinni og sportlegri formlínu sem endar á vængjalaga vindskeið við afturgluggann. Hún er ekki einungis hluti af fagurfræði hönnunarinnar heldur þjónar einnig þeim tilgangi að draga úr loftviðnámi og auka orkunýtni í akstri.
Þeir eru ekki einungis laglegir útlitslega heldur draga einnig úr loftviðnámi. Faldir hurðahúnarnir á EV6 skjótast út með sjálfvirkum hætti þegar þú nálgast bílinn sem auðveldar aðgengi að bílnum.
Þú nærð að verja meiri tíma á ferðinni með 800 V háhraða fjölhleðslukerfinu. Þegar EV6 er hlaðinn næst 100 km akstursdrægi á einungis 4,5 mínútum.
Það er eins og að ferðast inn í framtíðina að setjast inn í EV6. Hönnun stjórnrýmisins miðar að því að gera akstursupplifun þína eins ánægjulega og kostur er. Stjórnrými með búnaði sem heldur þér upplýstum, innblásnum og öruggum.
Tvöfaldi 12,3" sveigði Panoramic skjárinn gerir akstursupplifunina enn sterkari. Á honum birtast mikilvægar upplýsingar án þess að flækjustigið sé of hátt. Þannig tryggir hann að aksturinn verði einfaldari og án truflana.
Í EV6 er háskerpu leiðsögukerfi með leiðbeiningum sem birtast á tvöfalda Panoramic 12,3" sveigða skjánum. Það er þó ekki allt því með AR framrúðuskjánum birtast leiðbeiningarnar í beinni sjónlínu sem kerfið varpar upp á framrúðuna.
Relaxion sætunum í Kia EV6 má halla aftur sem er þægilegur kostur þegar bíllinn er hlaðinn til þess að komast enn lengra. Vellíðan þín eykst þegar þeim er hallað aftur, líkamsstaðan batnar og átaksdreifing á líkamann. Láttu þér líða vel.
Með hönnun innanrýmis EV6 vildum við skapa einstakt rými með notendavænni hönnun. Umhverfislýsingin er ein viðbótin í innanrýminu sem eykur upplifunina í akstri enn frekar og skapar þægilega stemningu.
Rúmgott farþegarýmið er opnað upp með fljótandi stjórnborði þar sem er að finna hirslur fyrir alla helstu hluti og innbyggða þráðlausa símahleðslu. Þannig förum við að því að bæta upplifunina í innanrýminu.
EV6 er með rúmgott afturskott með 520 lítra plássi en líka framskott, þ.e.a.s. farangursrými að framan. Þar sem engin er brunahreyfillinn býður EV6 upp á meira farangursrými sem er samtals allt að 572 lítrar.
Ökumaður stýrir öllu því nauðsynlegasta í EV6 í gegnum stýrið. Hann getur ekki einungis svarað í síma og skipt um tónlist heldur einnig hámarkað orkunýtni og akstursdrægi bílsins með flipunum í stýrinu sem stýra orkuendurheimtinni eða valið þá akstursstillingu sem hann óskar.
Með notendavæna skiptirofanum fyrir miðri stjórneiningunni er einfalt að flakka á milli leiðsögukerfisins, afþreyingakerfisins og sjálfvirka loftfrískunarkerfisins með eini snertingu. Tækni sem gerir akstursupplifunina jafnvel enn ríkari.
Þrjár mismunandi gerðir nýs Kia EV6 eiga eftir að veita þér innblástur. Allir bjóða þeir upp á klæðskerasniðið rými og nú þarftu einungis að gera samanburð og finna rétta kostinn fyrir þig.
Þarftu að komast langt? Farðu langt, ekkert því til fyrirstöðu
Akstursdrægi Kia EV6 með afturhjóladrifi og 77,4 kWh rafgeymastæðu er allt að 528 km á einni hleðslu. Með ofurhröðum hleðslutíma tekur einungis 18 mínútur að hlaða hann úr 10% í 80% sem veldur lágmarks frátöfum í akstri.
Þarftu eitthvað meira? Þá er þetta bíllinn
Þetta er afkastamikill bíll fyrir þá sem vilja aðeins meira. Fjórhjóladrifinn, 239 kW og allt að 1.600 kg dráttargetu. Bíll sem tekst á við allar áskoranir. Án nokkurrar losunar, auðvitað.
Fáðu innblástur
Þessi afturhjóladrifna gerð mun veita þér innblástur. Þú kemst allt sem þú vilt með 125 kW, 58 kWh rafgeymastæðu og 394 km akstursdrægi. Gerðu þig kláran.
Hraðskreiðari með 4WD
Með fjórhjóladrifinu fæst hraðskreiðari bíll, nægilega öflugur til að uppfylla allar þínar þarfir. 173 kW og 58 kWh rafgeymastæða.
Nýi E-GMP undirvagninn skóp tækifæri fyrir okkur sem hönnuði sem á endanum skilar sér til ökumanns. Nýi undirvagninn er grunnur að góðum aksturseiginleikum og útlitshönnun og stækkar innanrýmið svo um munar.
E-GMP undirvagninn og stóri rafgeymirinn gerir EV6 að orkustöð á hjólum fyrir dagleg verkefni eða frístunda- og áhugamálin. Við köllum þetta Vehicle-to-load (V2L) aðgerð. Hún skilar allt að 3,6 kW af rafmagni og getur knúið allt það nauðsynlegasta í tjaldútilegunni, skjávarpann og meira að segja hlaðið önnur rafknúin farartæki.
Með 800 V hraðhleðslu er hægt að hlaða bílinn úr 10 í 80% hleðslu á einungis 18 mínútum. Með þessari hleðslugetu næst 100 km akstursdrægi eftir einungis 4,5 mínútna hleðslu. Með fjölhleðslukerfinu er hægt að nýta bæði 800 V hraðhleðslu og hina hefðbundnari 400 V hleðslu. Með 400 V hleðslu umbreytir EV6 400 V strauminum frá hleðslutækinu í 800 V í gegnum rafmótorinn og áriðilinn .
Með E-GMP undirvagninum höfum við umbylt innbyrðis hlutföllum ökutækisins. Með breytunum sem urðu vegna lengra hjólhafs, minni slútunar að framan og aftan og stærri hjóla hefur hönnuðum Kia tekist að þróa sérstæðara og nútímalegra útlit í Kia EV6.
Mikið hjólhaf, lítil slútun og hönnun rafgeymasamstæðunnar skila sér í flötu gólfi í farþegarýminu sem hámarkar plássið fyrir þig og þá sem þér eru kærastir. Innanrýmið mætir nú öllum þínum þörfum með stórauknu fótarými og nýrri og fíngerðri hönnun í stjórnrýminu.
E-GMP undirvagninn er hannaður til að bæta aksturseiginleika í beygjum og auka stöðugleika á miklum hraða. Þetta næst með ákjósanlegri þyngdardreifingu á fram- og afturás, lægri þyngdarpunkti og lægri stöðu. Einnig með staðsetningu rafmótoranna þar sem vélin er vön að vera. Rafmótorar með háhraðasnúningi eru undirstaðan í mikilli afkastagetu EV6. Fimm liða fjöðrunarkerfi og fyrsti fjöldaframleiddi samþætti driföxullinn í heimi (IDA), hámarka stöðugleika í akstri og þægindi í fjöðrun.
Virkjaðu öll skynfærin
Það er einfalt að nota upplýsinga- og afþreyingarkerfið meðan á akstri stendur. Öllu er stýrt frá tvöfalda Panoramic 12,3" sveigða skjánum sem gefur um leið innanrýminu tilfinningu fyrir opnu rými.
Kia connect gerir Kia enn eigulegri bíl. Þjónustan tengir þig við bílinn og upplýsir þig um ástand búnaðar, eins og hleðslu á rafgeymi og læsingu hurða. Kia connect býður einnig upp á nettengda leiðsögu sem eykur öryggi í umferðinni. Upplýsingarnar birtast í hágæða Meridian hljómkerfinu og á tvöfalda og sveigða Panoramic 12,3" skjánum.
Hágæða Meridian hljómkerfið skapar magnaða hljómupplifun hvort sem hlustað er á hlaðvarp, eftirlætis tónlistina eða leiðbeiningar frá leiðsögukerfinu. Kia acoustic hljómhönnunin er búnaður sem fullkomnar akstursupplifunina.
Þú ert við stjórnvölinn með tvöfalda Panoramic 12,3" sveigða skjánum. Á honum birtast helstu upplýsingar um bílinn, leiðbeiningar frá leiðsögukerfinu og spilun tónlistar og hlaðvarps er stýrt af skjánum. Hönnun sem gerir akstursupplifunina ríkar.
Ekkert jafnast á við eigin upplifun. Pantaðu reynsluakstur.
Við setjum öryggið í fyrsta, annað og þriðja sæti. Öryggi þitt er grundvallaratriði og við viljum skapa öruggt rými fyrir þig og ástvini þína.
Snjallstýrða framljósakerfið skynjar önnur ökutæki í námunda við bílinn þinn og stýrir hágeislanum með sjálfvirkum hætti til þess að veita sem mest útsýni en þess að valda öðrum vegfarendum óþægindum.
Blindblettsvarinn eyðir þeim svæðum sem ökumaður sér ekki til. Þessa snjalla tækni fylgist með blindu blettunum og aðvara ökumann með ljósmerki í hliðarspegli ef öðrum ökutækjum er ekið inn í blindan blett. Kerfið aðstoðar ökumann með sjálfvirkum hætti að hemla telji það að árekstur sé yfirvofandi.
Þegar skipt er um akrein birtist blindblettsvarinn á tvöfalda 12,3" skjánum um leið og stefnuljós er gefið.
Með þverumferðarvaranum kemur ekkert óþægilega á óvart þegar þú bakkar út úr bílastæðinu eða heimreiðinni. Þverumferðarvari að aftan varar við ökutækjum eða öðrum vegfarendum sem koma þvert á þína stefnu. Kerfið hemlar með sjálfvirkum hætti ef hætta er á árekstri.
Oft er erfitt að komast út úr bílnum í þröngum bílastæðum. En málið er leyst. Með RSPA kerfinu geturðu ekið bílnum út úr þröngu bílastæði án þess að sitja inni í honum. Þú getur lagt honum eða látið kerfið aðstoða þig við að leggja bílnum í bílastæði samsíða götu eða í þverstætt bílastæði. Allt með snjalllyklinum. Hann hemlar samstundis ef eitthvað verður í vegi hans.
Nýjasta gerð FCA kerfisins, sem nú er kynnt í EV6, gerir ökumanni kleift að forðast árekstur við gangandi vegfarendur, reiðhjólamenn og önnur ökutæki. Kerfið aðvarar ökumenn og hemlar bílnum ef hann bregst ekki nógu skjótt við.
Hraðastillir tengdur leiðsögukerfinu stuðlar að auknu öryggi í beygjum. Kerfið styðst við upplýsingar frá leiðsögukerfinu og hægir sjálfkrafa á bílnum áður en hann fer inn í beygju. Kerfið getur lært og endurspeglað akstursmáta þinn með gervigreind þegar sú aðgerð er virkjuð.
EV6 kemur í tveimur mismunandi útfærslum; Style og Luxury. Önnur þeirra hentar þér örugglega.
Style
Margir valkostir standa til boða í EV6 Standard útfærslunni. Hægt er að velja um innréttingar, aflrásir og útlit yfirbyggingarinnar. Hægt er að sérsníða hann að óskum hvers og eins.
Luxury
Kia EV6 Luxury er aflmesti, hraðskreiðasti og sportlegasti rafbíll okkar til þessa. Þessi fjölhæfi bíll er hraðskreiður og getur stungið af marga sportbíla en er um leið með nægt pláss fyrir alla fjölskylduna og farangurinn líka.
1 Til að ná hámarks hleðsluhraða á EV6 þarf að nota 800 volta hleðslutæki fyrir rafbíla sem skilar að minnsta kosti 240 kW af rafmagni. Hiti á rafgeymi og veðurskilyrði geta haft áhrif á raunverulegan hleðsluhraða og hleðslutíma.
2 Akstursdrægið var mælt í samræmi við staðlað mæliaðferð ESB (WLTP) og miðast við 77,4 kWh rafgeymastæðu, afturhjóladrif og 19” álfelgur (mynd af ökutæki sýnir það á 20” felgum). Akstursvenjur og aðrir þættir, eins og hraði, útihitastig, landslag og notkun rafknúinna tækja/eininga hafa áhrif á raunverulegt akstursdrægi og geta dregið úr því.
3 Háspennu liþíum-jóna rafgeymar Kia fyrir rafbíla (EV), tvinnbíla (HEV) og tengiltvinnbíla (PHEV) eru hannaðir til að endast lengi. Rafgeymarnir falla undir 7 ára ábyrgð Kia frá nýskráningu eða að 150.000 eknum km, hvort sem kemur á undan. 2ja ára ábyrgð óháð akstursvegalengd er á lágspennu rafgeymum fyrir milda tvinnbíla (MHEV). Kia ábyrgist 70% afkastagetu rafgeyma í rafbílum og tengiltvinnbílum sínum. Afkastaminnkun rafgeyma í tvinnbílum og mildum tvinnbílum fellur ekki undir ábyrgðina. Til að lágmarka afkastaminnkun skal fylgja leiðbeiningum á […] eða leita upplýsinga í eigandahandbókinni. Nánari upplýsingar um ábyrgð Kia er að finna á [www.Kia.com]
4 Ábyrgð Kia nær til 7 ára frá nýskráningu eða að 150.000 eknum km, hvort sem kemur á undan. Hún gildir í öllum Evrópusambandslöndum (auk þess í Noregi, Sviss, Íslandi og Gíbraltar. Frávik frá gildum ábyrgðarskilmálum, til dæmis varðandi rafgeyma, lakk og búnað, eru háð staðbundnum skilmálum og skilyrðum. Frekari upplýsingar um ábyrgð Kia er að finna á [www.Kia.com].
OTA Uppfærslur
Fyrir ökutæki sem eru seld frá maí 2022 býður Kia upp á tvær endurgjaldlausar uppfærslur á hugbúnaði og kortum í leiðsögukerfi ökutækisins með svokallaðri "over-the-air" aðferð ("OTA Updates").
* Verð eru miðuð við útgáfudag verðlista og geta tekið breytingum án fyrirvara samkvæmt gengi ISK/EUR, og/eða vegna verðbreytinga birgja, breytinga á vörugjöldum og virðisaukaskatti. Endanlegt verð bíls fer því eftir gildandi verðlista við komu bíls
Staðalbúnaður getur verið mismunandi eftir gerðum
Kia á Íslandi | Krókhálsi 13 | Sími: 590 2100 © 2023
